2018 жыл 28-сентябрь ҳәм 2-октябрь күнлери аралығында Татарстан Республикасы пайтахты Казан қаласында Өзбекстан мәденияты күнлери болып өтти. Оған Өзбекстаннан мәмлекетлик делегация ағзалары,  көплеген мәденият хызметкерлери қатнасып қайтты. Олар «Халықлар дослығы» сарайында,  тарийхый орынларды ҳәм қаланың табият гөззаллықларын тамаша етип, өзлерине әжайып тәсирлер алып қайтты. Муса Жәлил атындағы мәмлекетлик академиялық опера ҳәм балет театрында мәденият хызметкерлериниң концерт болып өтти. Мәденият күнлерине Өзбекстан халық артисти З.Байханова,  Өзбекстанда хызмет көрсеткен артист Н.Пирматова, Халықаралық фестивальлардың  лауреатлары,  «Ҳумо» ансамбли  ҳәм көплеген көркем өнер шеберлери қатнасты. Қуўанышлы тәрепи, мәденият күнлерине Нөкис мәмлекетлик педагогикалық институтымыздың музыкалық тәлим кафедрасы оқытыўшысы, Өзбекстанда хызмет көрсеткен артист Айгүл Надирова да өз репертуарындағы «Дембермес», «Султаным» қосықлары менен қатнасып, қарақалпақ халықының мәдениятын қоңсы халықларға көрсетип қайтты.   С.Романова, НМПИ оқытыўшысы.