ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Ilim jolında nıq qádemler taslap kiyatırǵan student

Ájiniyaz atındaǵı Nókis mámleketlik pedagogikalıq institutı filologiya fakulteti qaraqalpaq tili hám ádebiyatı qánigeligi 4-kurs studenti Orazbaeva Gózzal Usnaddin qızı  2017-2018-oqıw jılında Ózbekstan Respublikası Nawayı atındaǵı mámleketlik stipendiya tańlawı jeńimpazı boldı.

G.Orazbaeva filologiya ilimleriniń kandidati M.Bekbergenovanıń ilimiy basshılıǵında «Ǵárezsizlik dáwirindegi qaraqalpaq poeziyasında kórkemlik izlenisler» temasında ilimiy jumıslar alıp barmaqta hám bul boyınsha  miynetleri respublikalıq hám xalıq aralıq konferenciya materiyallarında, jurnallarda járiyalanıp kelmekte.

G.Orazbaeva  2016-2017-oqıw jılında Ájiniyaz atındaǵı NMPI studentleri ushın shólkemlestirilgen  Ibrayım Yusupov atındaǵı stipendiya tańlawınıń jeńimpazı bolǵan.