Алдын хабар бергенимиздей, Өзбекстан кәсиплик аўқамлары Федерациясы, Халықаралық мийнет шөлкеми менен Жоқары ҳәм орта арнаўлы билимлендириў министрлиги шөлкемлестириўинде Өзбекстандағы барлық жоқары оқыў орынлары студентлери арасында «Студентлер кубогы-2018» интеллектуал турнири болып өтти.

Турнир еки басқышта – аймақлық ҳәм республикалық басқышта өткерилди.

Қарақалпақстан Республикасы, Хорезм, Бухара ҳәм Наўайы ўәлаятлары жоқары оқыў орынлары менен аймақлық басқышта өз билимин сынасып, 3-орынды жеңип алған институтымыз командасы бүгин – 16-ноябрь күни Ташкент қаласында болып өткен финаллық басқышқа қатнасты.

Финаллық басқышқа жәми 15 жоқары оқыў орнының командалары қатнасты.

Финаллық басқыштың жуўмақларына бола, Ташкент педиатриялық медицина институты 1-орын, Жәҳән экономикасы ҳәм дипломатия университети 2-орын, Ташкент медициналық академиясы 3-орын жеңимпазы болды.

Финаллық басқышқа шекем ҳәм финалда жақсы нәтийжелерди қолға киргизген институтымыз командасы «Өзбекстан» телеканалының «Урфон шоу» көрсетиўине қатнасатуғын болды.

 

Ислам Матеков,

НМПИ баспасөз хаткери.