23-noyabr kúni Ájiniyaz atındaǵı NMPI Filologiya fakulteti qaraqalpaq ádebiyatı kafedrasında Sh.Aytmatovtıń tuwılǵanına 90 jıl tolıwına baylanıslı “Jáhándi tolqındırǵan jazıwshı” atamasındaǵı ilimiy-ámeliy konferenciya ótkerildi.
Konferenciyada jáhán xalıqlarına óz shıǵarmaları menen dańqı shıqqan Qırǵızstan qaharmanı Sh.Aytmatovtıń dóteriwshilik jolı hám shıǵarmaları boyınsha bayanatlar tıńlandı. Institutımızdıń professor oqıtwshıları qatnasıp, Sh.Aytmatovtıń shıǵarmalarına bahalı pikirlerin bildirip ótti.
Bunnan soń jiynalıs qatnasıwshılarına qaraqalpaq ádebiyatı kafedrası “Ziywar” ádebiy dógeregi aǵzaları tárepinen Sh.Aytmatovtıń shıǵarmaları boyınsha saxnalıq kórinisler qoyıp berildi.
Jıynalıs student-jaslardıń soraw-juwapları menen dawam etti.
J.Sultamuratov,
Filologiya fakulteti dekan orınbasarı.