Өзбекстан жаслар аўқамы тәрепинен бағыўшысынан айрылған, имканияты шекленген ҳәм социаллық қорғаўға мүтәж болған, жоқары оқыў орынларында төлемли контракт тийкарында оқып атырған студентлерди ҳәр тәреплеме қоллап-қуўатлаў ушын «Жаслар аўқамы тәлим гранты» жойбары әмелге асырылып келинбекте.

Быйылғы оқыў жылында  усы жойбарда Қарақалпақстаннан жәми 15 студент жеңимпаз деп табылған болып, олар арасында институтымыздың 2 студенти де бар. Олар дене мәденияты факультети 1-курс студенти Г.Қутанова ҳәм тарийх-география факультети 2-курс студенти М.Уснатдинов болып есапланады.

Өзбекстан жаслар аўқамы студентлердиң төлемли контракт суммасының 50% ин төлеп беретуғын болды.

Ислам Матеков,

НМПИ баспасөз хаткери.