Kafedra baslıǵı:	Kaipbergenova F.T
	tel.:	(+998-61) 229-40-97
	e-mail:	kaipbergenova1991@gmail.com
	kafedra saytı:

Fakultetler ara shet tilleri kafedrası

     Fakultetler ara shet tilleri kafedrası 1954-jildan beri Nokis Pedagogikaliq Institutında jumıs alıp barıp atırǵan kafedra. Kafedranıń tiykarın salıwshılar J.A.Allamuratov, Tashkent mámleketlik pedagogik institutınıń qarlıǵashları P.Qurbanazarov, A.P.Rogach, M.O.Diment, I.V.SHuxmina, D.J.Lebel bolǵan. Kafedrada bir qansha tajiriybeli oqıtıwshılar T.Dosanov, T.Ermanov, S.Ya.Virva, A.N.Rublyova, Z.J.Urumbaeva, G.Boranbaeva, A.Bekmuratova, N.Kurtebaeva hám U.Iklasovlar jumıs alıp barǵan. Jumıs dawirinde kafedranı K.Orazbaev, f.f.n. P.Qurbanazarov, Q.Qiyasova,  B.Shaniyazov, X.Djumanazarova, f.f.n. N. Xamidov, D.Berdimuratov, f.f.n. J. Seytjanov, A.Tajieva hám N.Babaniyazovalar basqarǵan. Házirde kafedranı p.i.f.d (PhD), docent F.Kaipbergenova basqarıp kelmekte. Kafedra institutımızdıń bakalavriat tálim baǵdarınıń barlıq qanigeliklerinde talabalarına shet (inglis, nemis) tillerinen bilim beriwge arnalǵan. Kafedra hár jılı jas, ǵayratlı hám  shaqqan kadrlar menen kόbeyip kelmekte, házirgi kúnde 20 professor oqıtıwshı talabalarǵa bilim sırların úyretip kelmekte.  Kafedrada 2 docent, 1 p.i.f.d (PhD), 4 úlken oqıtıwshı, 12 assistent oqıtıwshılar  hám 1 stajor oqıtıwshı xizmet kόrsetpekte.

     Elimizde Ózbekstan Respublikasınıń «Bilimlendiriw haqqında»ǵı nızamın hám Kadrlar tayarlawdıń milliy baǵdarlamasın ámelge asırıw kóleminde shet tillerdi oqıtıwdıń kompleksli sisteması, yaǵnıy hár tárepleme jetilisken, sawatlı, zamanagóy pikirlewshi jas áwládtı qáliplestiriwde kafedra professor-oqıtıwshılarınıń qosıp atırǵan úlesleri júdá úlken. Institut bakalavriat tálim baǵdarınıń barlıq qanigeliklerinde shet (inglis, nemis) tillerin úyretiwde kafedra tájriybeli, óz kásibiniń mamanı bolǵan oqıtıwshılardan 2 docent, 1 p.i.f.d (PhD), 4 úlken oqıtıwshı, 12 assistent oqıtıwshılar  hám 1 stajor oqıtıwshı talabalarǵa bilim berip atır.

     Ózbekstan Respublikasi Prezidentiniń 2021-jıl 19-maydaǵı Ózbekstan Respublikasına shet tillerin úyreniwdi ǵalaba en jaydırıwdı sapa tárepinen jańa basqıshqa alıp shıǵıw haqqında» ǵı PQ-5117-sanlı qararına muwapıq kafedrada barlıq oqıtıwshılar shet tilin biliw dárejesi boyınsha S1 sertifikatlarına iye.

     2024-jıldıń 15-iyun – 17-iyul aralıǵında dúnyanıń TOP-500 reytinglerinde turatuǵın Qazaqstan Respublikasınıń Al-Farabiy atındaǵı Qazaq milliy universitetinde qánigeligin jetilistirgen kafedra baslıǵı, dosent F.Kaipbergenova, p.i.f.d (PhD) w.w.a.dosent A.Narshabaeva hám assistent oqıtıwshı G.Kunnazarovalar qánigeligin asirip keldi. Olar qánigeligin jetilistiriw dawamında Al-Farabiy atındaǵı Qazaq milliy universiteti Inglis tili kafedrasi professor-oqıtıwshıları menen sabaqlıq, oqıw qollanbalar haqqında, Web of Science platforması hám impakt faktorı joqarı jurnallarda  maqala shıǵarıw hámde Xirsh (h-indeks) indeksin kόteriw boyınsha pikir almasıldı.

     Házirgi waqıtta kafedranın ilimiy teması «Qánigeligi shet tili bolmaǵan tálim baǵdarlarda shet tillerin oqıtıw hám bahalaw usılları» atamasındaǵı ilimiy teması ustinde institut bakalavr tálim baǵdarları talabaları ushın sabaq processinde tıńlap tusiniw, oqıw, sóylew hám jazıw kónlikpelerin rawajlandırıwǵa kewil  bólinbekte. Shet tili sabaǵında talabalar kásibine baǵdarlanǵan oqıw qollanbalardı, kásipke tiyisli maqala hám lekciyalardı tusiniw,  radio hám internet materialların, intervyulardı, elektron xatlardı, suxbatlarǵa katnasıw, pikir almasıw, anıq másele boyınsha maǵlıwmat alıw, belgili bir temalar boyınsha prezentaciyalar ótkeriw boyınsha fakultetlerde seminarlar shólkemlestirildi.