Мүрәжатта мәмлекетимиз басшысы мәмлекетлик-жеке шериклик тийкарында жаңа мәденият ҳәм дем алыў бағларын шөлкемлестириў, оларды заманагөй жаслар орайларына айландырыў илажларын көриўимиз, бул бағлар қурамында биринши гезекте спорт майданшалары, амфитеатр ҳәм киши сахналар, китапхана, «Китап кафелери» болыўы кереклигин атап өтти.

«Ҳәзирги ўақытта жасларымыздың билим ҳәм мағлыўмат алыўының тийкарғы дәреги Интернет екени ҳеш кимге сыр емес. Сол себепли, биз исбилерменлерди қоллап-қуўатлай отырып, жәмийетлик орынларда бийпул «вай-фай» аймақларын шөлкемлестириў илажларын көриўимиз керек», — деди Шавкат Мирзиёев.

 

Ислам Матеков.