Әжинияз атындағы Нөкис мәмлекетлик педагогикалық институты педагогика ҳәм психология кафедрасында Қазақстан Республикасы Қайнар академиясы педагогика, психология ҳәм социаллық пәнлер кафедрасы профессоры, психология илимлериниң докторы Ақмарал Давлетова менен ушырасыў болып өтти.

Ушырасыўда бүгинги педагогика ҳәм психология илимлериниң раўажланыўы, тараўдағы соңғы жаңалықлар, инновациялық технологияларды тараўға енгизиў бойынша институт профессор-оқытыўшылары, илимий излениўшилери менен пикир алмасыўлар болып өтти.

Сондай-ақ, усы бағдарларда өз-ара тәжирийбе алмасыў мақсетинде еки жоқары оқыў орны арасында профессор-оқытыўшылар, студентлер, магистрантлар ҳәм илимий излениўшилерди алмасыў, биргеликте қәнигелиги арттырыў мәселелери бойынша келисип алынды.