ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

#Спорт_айлығы: Математика-информатика факультетинде мини футболдан факультет бириншилиги болып өтти

Май айы «Спорт айлығы» деп жәрияланыўы мүнәсибети менен институтымыздың математика-информатика факультетинде спорттың мини футбол түри бойынша факультет бириншилиги болып өтти.

Жарысқа факультеттеги барлық бағдарлардан командалар қатнасты.

Жарыс жуўмағына бола, информатиканы оқытыў методикасы бағдары 3-курс студентлери 1-орын, математиканы оқытыў методикасы бағдары 2-курс студентлери 2-орынды ҳәм математиканы оқытыў методикасы бағдары 3-курс студентлери 3-орынды жеңип алды.

Жеңимпаз ҳәм сыйлы орын ийелерине медальлар, диплом ҳәм жеңимпазлық кубогы тапсырылды.

Мағлыўмат ушын, Өзбекстан Республикасы Министрлер Кабинетинде усы жылдың 23-апрель күни өткерилген мәжилис протоколында белгиленген ўазыйпалардың орынланыўы бойынша усы жылдың май айы елимиз бойлап «Спорт айлығы» деп жәрияланған еди.

Әжинияз атындағы Нөкис мәмлекетлик педагогикалық институтында усы айлық шеңберинде әмелге асырылатуғын жумыслар ҳәм өткерилетуғын спорт жарысларының жобасы ислеп шығылып, бул тийкарда әмелий жумыслар даўам етпекте.

Оған факультетлердеги барлық тәлим бағдарлары студентлери белсене қатнаспақта.