bahigo betebet melbet lunabit bahiscom izmir korsan taksi,izmir ucuz taksi

Волейбол бойынша НМПИ сайланды командасы Өзбекстан чемпионатында 1-орынды ийеледи

DSC 0013 - Волейбол бойынша НМПИ сайланды командасы Өзбекстан чемпионатында 1-орынды ийеледи

Ташкент қаласында спорттың волейбол түринен ҳаял-қызлар арасында жоқарғы лига командаларының XXVI Өзбекстан чемпионаты жарысларының жуўмақлаўшы туры болып өтти.

Жуўмақлаўшы тур алдынан өз имканиятларын жақсылап, барлық қарсыласларынан үстин келип, 1-орынды ийелеп турған Әжинияз атындағы Нөкис мәмлекетлик педагогикалық институтының қызлар сайланды командасы бул турда да өзлериниң жақсы таярлықлар көргенин дәлилледи.

Чемпионат жуўмақларына муўапық, институт қызлар командасы чемпионлықты қолға киргизди. Және бир қуўанышлы тәрепи, команда ағзаларының барлығы «Өзбекстан спорт устасы» дәрежелерин алыўға еристи.

DSC 0022 1 - Волейбол бойынша НМПИ сайланды командасы Өзбекстан чемпионатында 1-орынды ийеледи

Спортшы қызларды Қарақалпақстанға хызмет көрсеткен тренер, Өзбекстан ҳәм Қарақалпақстан халық билимлендириў ағласы, Өзбекстан спорт ветераны, спорт устасы Азат Казаков таярлады.

25-май күни жеңимпазлар Нөкис темир жол вокзалында салтанатлы түрде күтип алынды.

 

Ислам Матеков.