Әжинияз атындағы НМПИ Мектепке шекемги ҳәм баслаўыш тәлим факультети деканы, педагогика илимлериниң кандидаты, доцент Сейтжанова Улбосын Қудайбергеновна өзи оқыған Мойнақ районындағы 12-санлы улыўма билим бериў мектебине барды.

Ол өзи оқыған мектепке 50 атамадағы әдебий ҳәм илимий китапларды саўға етти. Соның менен бирге, өзи оқыған мектеби ҳаққында, устазлары ҳаққында тереңирек айтып өтер екен, усы мектепте алған билимлерин, қуўанышлы демлерди айта келип, кейинги орынларда ел ҳүрметине сазаўар болғанлығы ҳаққында тоқтап өтти. Бул мектептен ҳәр қыйлы пәнлерден жетик муғаллимлер сабақлар, тәлим-тәрбия бергенин айтып, келешек жасларға алдағы илимий ҳәм педагогикалық жумысларына тасқын табыслар тиледи.