ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Волейбол ҳәм мини футбол бойынша өткерилген «Ректор кубогы» жуўмақланды. Жеңимпазлар мүнәсип сыйлықланды

Алдын хабар бергенимиздей, институтымызда ислеп атырған профессор-оқытыўшылар ҳәм техникалық хызметкерлер арасында саламат турмыс орталығын енгизиў ҳәм олардың бос ўақытларын спортқа бағдарлаў мақсетинде ҳаял-қызлар арасында спорттың волейбол түринен, ер адамлар арасында спорттың мини футбол түринен көп турдан ибарат «Ректор кубогы» жарыслары болып өтти.

Оған институтымыздың барлық факультетлери ҳәм бөлимлеринен командалар қатнасты ҳәм өзлериниң спорт шеберликлерин көрсете алды.

Жарыслардың жуўмақлары бойынша институтымыздың дене мәденияты факультети ҳаял-қызлар командасы волейбол бойынша жарыста 1-орынды, усы факультеттиң ер адамлар командасы мини футбол бойынша 1-орынды ийеледи ҳәм «Ректор кубогы»на мүнәсип деп табылды.

Институтымыз ректоры Б.Отемуратов жеңимпазларды сыйлықлаў салтанатына қатнасып, оларға «Ректор кубогы»н тапсырды.