ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Хош хабар! Байрам мүнәсибети менен институтымыздың еки оқытыўшысына Қарақалпақстан Республикасының ҳүрметли атақлары тапсырылды

«Муғаллимлер ҳәм устазлар күни» мүнәсибети менен Қарақалпақстан Республикасының мәмлекетлик сыйлықлары ҳәм көкирек белгилери менен сыйлықлаў ҳаққында»ғы Қарақалпақстан Республикасы Жоқарғы Кеңеси Президиумының қарарына муўапық, елимизде тәлим-тәрбия системасын дәўир талаплары тийкарында жетилистириў, тараўдағы реформаларды нәтийжели әмелге асырыў жумысларына қосқан салмақлы үлеси, жасларға илим тийкарларын ҳәм заманагөй кәсип-өнерлерин үйретиў, оларды ана Ўатанға муҳаббат, ғәрезсизлик идеяларына садықлық руўхында тәрбиялаўдағы көп жыллық жемисли мийнетлери және жәмийетлик турмыстағы белсендилиги ушын төмендегилер ҳүрметли атақлар ҳәм көкирек белгилери менен сыйлықлансын:

 

“Қарақалпақстан Республикасына мийнети сиңген халық билимлендириў хызметкери”

 

Юлдашева Шахло Шукурлаевна — Нөкис мәмлекетлик педагогикалық  институтының “Өзбек тили” кафедрасы баслығы

 

Қарақалпақстан Республикасына мийнети сиңген жаслар устазы

 

Мамырбаева Дина Джаксыбаевна — Нөкис мәмлекетлик педагогикалық институтының “Инглис тили ҳәм әдебияты” кафедрасы доценти

 

 

Нөкис МПИ баспасөз хызмети.