«1-декабрь – Халықаралық АИЖС ҳәм нәшебентликке қарсы гүресиў күни» мүнәсибети менен институттың сүўретлеў өнери ҳәм мийнет тәлими факультети сүўретлеў өнери ҳәм инженерлик графикасы кафедрасының басламасы менен студент-жаслар арасында сүўретлер және плакатлар таңлаўы болып өтти.

Таңлаў жуўмағында төрешилер тәрепинен 20 дана плакат ҳәм сүўрет сайлап алынып, институттың кәсиплик аўқамы тәрепинен ҳүрмет жарлығы және баҳалы саўғалар менен сыйлықланды.

Сондай-ақ, сәне мүнәсибети менен факультеттиң талантлы жаслары шөлкемлестириўинде «Биз, жаслар – АИЖСке қарсымыз!» атамасында кеше өткерилди. Онда жаслар тәрепинен АИЖС ҳәм нәшебентликтиң унамсыз ақыбетлери көрсетилген сахналық көринислер жыйналғанлардың нәзерине усынылды.