Өзбекстан Республикасы Конституциясы қабыл етилгенине 27 жыл толыўы мүнәсибети менен институт бас имаратындағы белсендилер залында тарийх факультетиниң 1-курс студентлери арасында «Сиз нызамды билесиз бе?» атамасындағы жарыс болып өтти.

Жарысқа тарийхты оқытыў методикасы бағдарының 1-а топарынан «Демократлар», 1-б топарынан «Истиқлол», 1-в топарынан «Юристократлар», миллий идея, руўхыйлық тийкарлары ҳәм ҳуқық тәлими бағдарының 1-а топарынан «Дипломат», 1-б топарынан «Нызам қорғаўшылары» командалары қатнасты.

Жарыс өз командасын таныстырыў, Конституция бойынша сораў-жуўап ҳәм команда қатнасыўындағы сахна көриниси сыяқлы шәртлерден ибарат болды.

Жарыс қызықлы ҳәм пикир-таласларға бай болып өтти.

Төрешилер қурамының нәтийжелерине муўапық жарыс соңында 1-орынды «Истиқлол» командасы ийелеген болса, «Нызам қорғаўшылары» ҳәм «Демократлар» командалары 2-орынды, «Дипломат» командасы 3-орынды ийеледи.

Илаж соңында қатнасыўшылар институт ректораты ҳәм кәсиплик аўқамы тәрепинен таярланған ҳүрмет жарлығы және саўғалар менен сыйлықланды.