ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Жыл жуўмағы: Институтта «Жыл студенти» таңлаўының жеңимпазлары ҳәм белсенди студентлер сыйлықланды

Өзбекстан Республикасы Президентиниң 2017-жыл 7-февральдағы «Өзбекстан Республикасын еле де раўажландырыў бойынша Ҳәрекетлер стратегиясы ҳаққында»ғы Пәрманы ҳәм 2017-жыл 20-аперльдеги «Жоқары билимлендириў системасын буннан былай да раўажландырыў илажлары ҳаққында»ғы қарарында белгиленген ўазыйпалардың орынланыўын тәмийинлеў, сондай-ақ, студент-жаслардың руўхый-ағартыўшылық, мәдений дәрежесин турақлы түрде арттырып барыў, олардың оқыўдан бос ўақытларын мазмунлы өткериўди тәмийинлеў мақсетинде Министрлер Кабинетиниң қарары тийкарында «Жыл студенти» таңлаўы барлық жоқары оқыў орынларында турақлы түрде өткерип келинбекте.

Әжинияз атындағы Нөкис мәмлекетлик педагогикалық институтында да усы таңлаўдың жеңимпазлары анықланып, оларды сыйлықлаў салтанаты болып өтти.

Илажда институт ректоры Б.Отемуратов сөзге шығып, таңлаўдың әҳмийетине кең түрде тоқталды. Таңлаўға институт студентлериниң қызығыўшылығы жыл сайын артып бармақта. Таңлаўдың быйылғы жылдағы басқышларына институтта оқып атырған 70 ке шамалас жаслардан ҳүжжетлер келип түсти.

6 номинация бойынша өткерилген таңлаўға келип түскен ҳүжжетлер институт жәмийетлик кеңеси ҳәм басқа жәмийетлик шөлкемлердиң ағзалары, тәжирийбели профессор-оқытыўшылар, жаслар аўқамы белсендилеринен дүзилген төрешилер қурамы тәрепинен үйренилип, мүнәсип баҳаланды.

Таңлаў жеңимпазлары менен төменде толық танысыўыңыз мүмкин:

 

1) «Өз қәнигелиги бойынша жылдың ең билимли студенти» номинациясы бойынша

 

1-орын – Физика-математика факультетиниң 4-курс студенти Айсулыў Утепбергенова;

2-орын – Тарийх факультетиниң 3-курс студенти Дүрдана Түркпенбаева ҳәм тәбийғый пәнлер факультетиниң 2-курс студенти Гүлбаныў Әлменова;

3-орын – Мектепке шекемги билимлендириў факультетиниң 3-курс студенти Камила Айтмуратова.

 

2) «Жылдың ең басламашы студенти» номинациясы бойынша

 

1-орын – Педагогика факультетиниң 2-курс студенти Турсынбай Ильясов;

2-орын – Түркий тиллер факультетиниң 2-курс студенти Жадыра Рейпназарова;

3-орын – Физика-математика факультетиниң 2-курс студенти Сайёра Барлықбаева ҳәм тәбийғый пәнлер факультетиниң 3-курс студенти Шаҳноза Қаражанова.

 

3) «Жылдың ойлап табыўшы студенти» номинациясы бойынша

 

1-орын – Мектепке шекемги билимлендириў факультетиниң 3-курс студенти Шаҳло Ақиева;

2-орын – Тәбийғый пәнлер факультетиниң 4-курс студенти Мияссар Қарлыбаева;

3-орын – Баслаўыш билимлендириў факультетиниң 3-курс студенти Интизар Айтмуратова.

 

4) «Жылдың спортшы студенти» номинациясы бойынша

 

1-орын – Дене мәденияты факультетиниң 3-курс студенти Ҳадича Нажимова;

2-орын – Шет тиллери факультетиниң 2-курс студенти Мияссар Азатбаева.

 

5) «Жылдың дөретиўши студенти» номинациясы бойынша

 

1-орын – Педагогика факультетиниң 3-курс студенти Муҳаммед Төребеков;

2-орын – Тәбийғый пәнлер факультетиниң 2-курс студенти Шаҳноза Дәўлетбаева;

3-орын – Түркий тиллер факультетиниң 4-курс студенти Аллаяр Дәрменов.

 

6) «Жылдың ең жақсы блогер студенти» номинациясы бойынша

 

1-орын – Шет тиллери факультетиниң 3-курс студенти Машҳура Давлетова;

2-орын – Баслаўыш билимлендириў факультетиниң 3-курс студенти Заҳира Шерипбаева;

3-орын – Педагогика факультетиниң 4-курс студенти Улмекен Сапарова.

 

«Жыл студенти» таңлаўында жеңимпаз болған жаслар ушын институт қорлары есабынан тийисли түрде – 1-орын жеңимпазларына базалық есаплаў муғдарының 7 есеси, 2-орын ийелерине 6 есеси ҳәм 3-орын ийелерине 5 есеси муғдарындағы ақшалай сыйлықлар берилетуғын сертификатлар берилди.

 

Илажда аймақлық, республикалық ҳәм халықаралық пән олимпиадалары, спорт жарыслары, стипендиялар таңлаўлары, фестивальлар ҳәм басқа да жарысларда жоқары нәтийжелерди қолға киргизип киятырған 200 ге шамалас студент-жасларға миннетдаршылық хатлары, ҳүрмет жарлықлары ҳәм жаңа жыл саўғалары тапсырылды.

 

Жыл жуўмақларына арналған сыйлықлаў салтанаты қәбилетли жаслардың атқарыўындағы концерт бағдарламасы менен даўам етти.

 

Ислам Матеков,

Нөкис МПИ баспасөз хаткери.

Автордың түсирген фотосүўретлери.