Қарақалпақстан Республикасы Жоқарғы Кеңесине өткерилген сайлаўлардың дәслепки нәтийжелери жәрияланды

DSC 0113 - Қарақалпақстан Республикасы Жоқарғы Кеңесине өткерилген сайлаўлардың дәслепки нәтийжелери жәрияланды

Орайлық сайлаў комиссиясы жанындағы Баспасөз орайының Қарақалпақстан бөлиминиң мәлим етиўинше, сиясий процесте Ўатанласларымыз конституциялық ҳуқықы, пуқаралық миннети, мәмлекетимизде әмелге асырылып атырған түпкиликли реформаларға мүнәсибетинде белсендилик көрсетти. Қарақалпақстан Республикасында болып өткен сайлаўларға 771 494 сайлаўшы қатнасты. Бул улыўма сайлаўшылар санының 77,2 процентин қурайды. 

Қарақалпақстан Республикасы Жоқарғы Кеңеси депутатлығына сайлаў өткериўши 65 сайлаў округиниң 63 инде депутатлар сайланды. 

Соның ишинде: 

-Исбилерменлер ҳәрекети – Өзбекстан Либерал-демократиялық партиясынан 20; 
-Өзбекстан «Миллий тикланиш» демократиялық партиясынан 13; 
-Өзбекстан «Адолат» социал-демократиялық партиясынан 6;
-Өзбекстан Халық демократиялық партиясынан 14;
-Өзбекстан экологиялық партиясынан 10 депутат сайланды. 

Қалған 2 округте қайта даўыс бериў өткерилетуғынлығы мәлим болды.

Қарақалпақстан Республикасы Жоқарғы Кеңеси депутлығына сайланғанлардың 20 сын ҳаял-қызлар қурайды.

Сайлаў өткериўши 2 округте талабанлардың биреўи де жетерли муғдарда даўыс алалмағанлығы себепли, усы округлерден депутатлар сайланбады ҳәм оларда қайта даўыс бериў нызамшылығымызға бола, 2020-жылдың 5-январь күни өткерилетуғынлығы мәлим болды. Қайта даўыс бериўде сайлаўшылардың даўысын басқа талабанға қарағанда көбирек даўыс алған талабан сайланған деп есапланады.

Қарақалпақстан Республикасы Жоқарғы Кеңесине сайлаў жуўмақлары бойынша Қарақалпақстан Республикасы Орайлық сайлаў комиссиясының қарары баспасөзде жәрияланады.