Aral qosıǵı

photo 2020 01 10 12 24 03 - Aral qosıǵı

Bel bayladıq gúresiwge duz benen,
Qay sahra qasarısa alar biz benen,
Qutqarmasaq áwladlardı duz qumnan,
Qaraymız biz olarģa qaysı júz benen.

Teńiz tárk áyledi qutlı jaǵısın,
Dáryalar toqtattı pátli aǵısın,
Kóriń búgin sol dáryanıń tolqınlı,
Máwij urıp kewlimizde aǵısın.

Kemeler gudogı jańlamay qoyǵan,
Adamzat minnnetin ańlamay qoyǵan,
Búgin tek te elge órnek is kerek,
Xalıq qurı sózdi tıńlamay qoyǵan.

Shól sheginedi hám ashadı jamal,
Sayranlaydı ılaǵın ertip maral,
Shaqıradı ullı úmit gudogı,
Inshaalla, izge qaytadı Aral!

10.01.2019-jıl

Allayar Darmenov
Nókis mámleketlik pedagogikalıq institutı studenti, Ózbekstan hám Qaraqalpaqstan Jazıwshılar awqamınıń aǵzası.