Ўатан қорғаўшылары күнине арналған әскерий-спорт жарысы болып өтти

Әжинияз атындағы Нөкис мәмлекетлик педагогикалық институтының дене мәденияты факультетинде оқып атырған студент-жаслар арасында «Суңқарлар» әскерий-спорт жарысы болып өтти.

Өзбекстан Республикасы Қураллы Күшлериниң шөлкемлестирилгенлигиниң 28 жыллығы ҳәм Ўатан қорғаўшылары күни байрамы мүнәсибети менен өткерилген жарыста ер жигитлер командаларға бөлинген ҳалда турникте тартыныў, тас көтериў, 100 метр аралыққа жуўырыў ҳәм арқан тартысыў сыяқлы шәртлер бойынша күш сынасты.

Жарысты факультеттиң тәжирийбели тренер-оқытыўшылары бақлап барды ҳәм төрешилик етти.

Жарысқа қатнасқан ҳәр бир команда ағзалары өзлериниң жақсы физикалық таярлыққа ийе екенлигин көрсете алды.

Қызғын өткен жарыс жуўмағында улыўма 32 балл топлаған 1-«ж» рус топары студентлери 1-орынды ийеледи. 2-орын бирдей – 31 балл топлаған 2-«г» өзбек топары ҳәм 3-«А» қарақалпақ топары студентлерине несип еткен болса, улыўма 30 балл менен 2-«ж» рус топары студентлеринен дүзилген команда 3-орынды ийеледи.

Жеңимпаз ҳәм сыйлы орын ийелери естелик саўғалары және дипломлар менен сыйлықланды.

Институтта «Әскерий ўатан сүйиўшилик айлығы» шеңберинде илажлар даўам етпекте.

2 4 - Ўатан қорғаўшылары күнине арналған әскерий-спорт жарысы болып өтти3 4 - Ўатан қорғаўшылары күнине арналған әскерий-спорт жарысы болып өтти4 4 - Ўатан қорғаўшылары күнине арналған әскерий-спорт жарысы болып өтти5 1 - Ўатан қорғаўшылары күнине арналған әскерий-спорт жарысы болып өтти

 

Ислам Матеков,

НМПИ баспасөз хаткери.