Әскерий бөлим хызметкерлери менен ушырасыў болып өтти

Өзбекстан Республикасы Президентиниң 2019-жыл 13-декабрьдеги «Өзбекстан Республикасы Қураллы Күшлериниң шөлкемлестирилгенлигиниң 28 жыллығы ҳәм Ўатан қорғаўшылары күнин белгилеўге таярлық көриў және өткериў илажлары ҳаққында»ғы Пәрманында белгиленген ўазыйпалардың орынланыўын тәмийинлеў мақсетинде Әжинияз атындағы Нөкис мәмлекетлик педагогикалық институтының педагогика ҳәм мектепке шекемги билимлендириў факультетлери студентлери менен Нөкис қаласы 7261-санлы әскерий бөлим офицерлериниң ушырасыўы болып өтти.

Ушырасыўға әскерий бөлимнен офицерлер, Республикалық руўхыйлық ҳәм ағартыўшылық бөлими қәнигелери Қ.Нуратдинов, А.Опаев ҳәм Республикалық жаслар орайы қәнигеси Н.Розыбаев қатнасты.

Ушырасыўда әскерий бөлим хызметкерлери бүгинги күнде әскерий горнизонларда жаратылған имканиятлар ҳаққында айтып өтти. Әскерий хызметтеги әскерлердиң өмири ҳаққында қызықлы ўақыялардан айтып берди. Сондай-ақ, олар өзлериниң шығып сөйлеўлеринде мәмлекетимиз тәрепинен офицерлерге жаратылып атырған қосымша имканиятлар ҳаққында кең түрде тоқталды.

Буннан соң Республикалық руўхыйлық ҳәм ағартыўшылық орайы қәнигеси Қыдырбай Нуратдинов сөзге шықты. Ол өз сөзинде Президентимиз тәрипенен белгилеп берилген 15-декабрьден 15-январьға шекемги аралықта өткерилип атырған Әскерий ўатан сүйиўшилик айлығының әҳмийетине тоқталып, ўатан сүйиўшилик, ўатанды қорғаў тек әскерлердиң емес, ал усы ўатан топырағында жасап атырған барлық пухаралардың әдиўли миннети екенлигин айырықша атап өтти. Ол сөзиниң жуўмағында жыйналғанларды Ўатан қорғаўшылар күни байрамы менен қутлықлады.

Ушырасыўда институтқа әскерий бөлимниң усыныснамасы тийкарында  оқыўға қабыл етилген студентлер де оқыў ҳәм билим алыў ушын өзлерине жаратылған имканиятлар ҳаққында сөзге шығып сөйлеп, бәршени байрам менен қутлықлады.

Ушырасыў соңында педагогика факультети деканының орынбасары Жүгинис Султамуратов келген мийманларды қутлықлап, байрам саўғаларын тапсырды.

1 4 - Әскерий бөлим хызметкерлери менен ушырасыў болып өтти2 5 - Әскерий бөлим хызметкерлери менен ушырасыў болып өтти3 5 - Әскерий бөлим хызметкерлери менен ушырасыў болып өтти