Өзбекстан Республикасы Қураллы Күшлериниң шөлкемлестирилгенине 28 жыл толыўы ҳәм Ўатан қорғаўшылары күни мүнәсибети менен Әжинияз атындағы Нөкис мәмлекетлик педагогикалық институты физика-математика факультетиниң бир топар студентлериниң басламасы менен байрам концерти шөлкемлестирилди.

Онда студент-жаслар ана Ўатанға садықлық, муҳаббат сезимлери баян етилген қосықларды атқарып, аяқ-ойынларға түсти.

Сондай-ақ, мүддетли әскерий хызметти атқарып келген студентлер әскерий турмыстағы қызықлы ўақыялар көрсетилген сахналық көринислерди жыйналғанлардың нәзерине усынып, әскерий таярлық бойынша көнликпелерин көрсетти.