Әжинияз атындағы Нөкис мәмлекетлик педагогикалық институты педагогика кафедрасының профессоры, педагогика илимлериниң докторы Өсербай Әлеўов институт мәлимлеме-ресурс орайына өз авторлығындағы 10 атамадағы 240 дана китапты бийпул инәм етти.

Жәми 3 миллион 600 мың сумды қурайтуғын бул китаплар арасында автордың «Аҳмад Югнакий мероси – маънавиятимиз сарчашмаси», «Общественно-педагогические мысли древных тюрков», «Халқ педагогикасида ёшларга ақлий тарбия бериш анъаналари», «Сасық бийдиң сиясий-ҳуқықый көзқараслары», «Әжинияздың сиясий-ҳуқықый көзқараслары» мийнетлери, сондай-ақ, «Мазлумхансулыў «Пикир дүньям», «Сезимлерим», «Дүнья, сени биле алмадым» сыяқлы қосықлар топламлары ҳәм «Әмир Темурдың жәмийетлик-философиялық ҳәм тәлим-тәрбиялық ой-пикирлери» атамасындағы илимий мийнетлери де бар.

Бул китаплар студентлердиң илимий дөретиўшилик потенциалының еле де артып, жаңа шеклерге қарай қәдем таслаўына тийкар болары сөзсиз.

НМПИ баспасөз хызмети