2020-жыл 29-февраль күни Әжинияз атындағы Нөкис мәмлекетлик педагогикалық институты педагогика факультети кәсиплик аўқам комитетиниң есап бериў ҳәм сайлаў жыйналасы болып өтти.

График тийкарында өткерилген жыйналысқа Әжинияз атындағы Нөкис мәмлекетлик педагогикалық институты кәсиплик аўқамы комитети баслығының орынбасары Б.Гулимбетов, факультет деканы Ш.Сапаров ҳәм усы факультет оқытыўшысы Ө.Алеуов, институт кәсиплик аўқамы комитети бухгалтери А.Рзабеков қатнасты.

Жыйналысты педагогика факультети кәсиплик аўқамы комитети баслығы Ж.Султамуратов ашты ҳәм алып барды.

Күн тәртибиндеги  факультет кәсиплик аўқамы комитетиниң 2015-жыл март айынан 2020-жыл февраль айлары аралығы даўамындағы алып барылған жумыслары ҳаққындағы есабы тыңланды.

Сөзге шыққан кәсипллик аўқамы ағзалары кәсиплик аўқамының өткен дәўириндеги исленген жумыслары ҳаққында өз пикирлерин билдирип өтти ҳәм ислеген жумыслары қанаатландырарлы деп, бир даўыстан баҳа берди. 

Кейинги күн тәртиби мәселеси бойынша баслаўыш тәлим факультети кәсиплик аўқамы комитетиниң жаңадан кәсиплик аўқамы баслығы ҳәм оның орынбасарын және 5 ағзалық қурамнан ибарат болған комитет ағзалары бир даўыстан сайланды.

Әжинияз атындағы Нөкис мамлекетлик педагогикалық институты кәсиплик аўқамы комитетиниң апрель айында болып өтетуғын есап бериў ҳәм сайлаў коференциясына делегат сайлаў мәселеси көрип шығылып, 7 делегат сайланды.

Факультет  кәсиплик аўқамы комитети баслығы етип Жүгинис Султамуратов 2020-2025-жылларға қайта сайланды.