ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Аттестациялық комиссия өз жумысын баслады

Бүгин, 18-январь күни Әжинияз атындағы Нөкис мәмлекетлик педагогикалық институтында Өзбекстан Республикасы Министрлер Кабинети жанындағы Билимлендириўдиң сапасын қадағалаў бойынша мәмлекетлик инспекциясы тәрепинен тайынланған аттестациялық комиссия ағзалары менен ушырасыў болып өтти.

Ушырасыўда Мәмлекетлик инспекция баслығының биринши орынбасары Хотамжон Кетмонов ҳәм инспекцияның қәнигелери институтты мәмлекетлик аттестациядан өткериў бойынша исленетуғын жумыслар ҳаққында проректорлар, факультет деканлары, кафедралар ҳәм бөлим баслықларына түсиндирип өтти.

Өзбекстан Республикасы Министрлер Кабинетиниң 2019-жыл 7-июньдағы «Мәмлекетлик билимлендириў мәкемелери және мәмлекетлик емес билимлендириў шөлкемлерин аттестациядан ҳәм мәмлекетлик аккредитациядан өткериў тәртибин жетилистириў ҳаққында»ғы 470-санлы қарары тийкарында Әжинияз атындағы Нөкис мәмлекетлик педагогикалық институты усы жылдың 18-28-январь күнлери аралығында мәмлекетлик аттестациядан өткерилиўи жобаластырылған.

Аттестация билимлендириў мәкемесиниң жумысларын баҳалаўда мәмлекетлик қадағалаўдың тийкарғы формасы болып, билимлендириў мәкемелеринде кадрлар таярлаў мазмуны, дәрежеси ҳәм сапасының мәмлекетлик билимлендириў стандартлары және мәмлекетлик талапларға муўаплылығын анықлаўдан ибарат.

 

НМПИ баспасөз хызмети.