Аралықтан оқытыў кафедрасында 4-март күни сыртқы бөлим студент қызлары арасында «Қызлар гүлдәстеси» таңлаўы болып өтти.
Таңлаў сәлемнама, сахналық көринис, пазенделик өнери, еркин тема сыяқлы 4 шәрттен ибарат болды.
Жарыс жуўмағында ҳәр қыйлы номинациялар белгиленди.
«Таңлаў жеңимпазы» номинациясы бойынша сыртқы бөлимниң мектепке шекемги тәлим бағдарының 3-курс студенти Турманова Гүлназ жеңимпаз болды.
«Ең белсенди қыз» номинациясы менен сыртқы бөлим баслаўыш тәлим бағдарының 1-курс рус топары студенти Бабаниязова Зулхумар сыйлықланды.
«Ең көркем кыз» номинациясы сыртқы бөлим мектепке шекем тәлим бағдарының 1-қарақалпақ топары студенти Таймағамбетова Айнураға несип етти.
«Ең пазенде қыз» номинациясы менен сыртқы бөлим мектепке шекем тәлим бағдарының 1-қарақалпақ топары студенти Серемуратова Зыяда сыйлықланды.
Таңлаўға қатнасқан барлық белсенди студентлер ҳүрмет жарлығы менен сыйлықланды.