Бүгин, 9-март күни пайтахтымыздағы Қарақалпақ мәмлекетлик жас тамашагөйлер театрында Әжинияз атындағы Нөкис мәмлекетлик педагогикалық институтының барлық факультетлери арасында «Қуўнақлар ҳәм зийреклер» таңлаўының институт басқышы өткерилип атырғаны ҳаққында хабар берген едик.

 

Таңлаўдың түстен кейинги ўақытта өткерилген басқышында сүўретлеў өнери ҳәм мийнет тәлими факультетиниң «Спарта», мектепке шекемги билимлендириў факультетиниң «Қарекең», тарийх факультетиниң «Ўа-ҳа-ҳа», педагогика факультетиниң «Дембермес» ҳәм физика-математика факультетиниң «ФМ» командалары ағзалары сахналық шеберлигин көрсетти.

 

«ФМ» ҳәм «Ўа-ҳа-ҳа» командалары, соның менен бирге, таңлаўдың өткен жылдағы институт басқышының чемпионы болған «Дембермес» командасы өзлериниң ҳәзил сахналық көринислери арқалы көпшилик тамашагөйлердиң қоллап-қуўатлаўына еристи.

 

Солай етип, сәлемнама, биатлон ҳәм музыкалық көринис шәртлери тийкарында өткерилген таңлаўдың институт басқышында улыўма 12,7 балл топлаған физика-математика факультетиниң «ФМ» командасы 1-орынды ийеледи ҳәм институт чемпионы сыпатында кубок ийесине айланды.

 

2-орын улыўма 12,4 балл топлаған тарийх факультетиниң «Ўа-ҳа-ҳа» командасына, 3-орын болса улыўма 11,4 балл топлаған дене мәденияты факультетиниң «Беглер» командасына несип етти.

 

Төменде улыўма командалар тәрепинен топланған баллар менен танысыўыңыз мүмкин:

 

Физика-математика факультетиниң «ФМ» командасы – улыўма 12,7 балл;

 

Тарийх факультетиниң «Ўа-ҳа-ҳа» командасы – улыўма 12,4 балл;

 

Дене мәденияты факультетиниң «Беглер» командасы – улыўма 11,4 балл;

 

Шет тиллери факультетиниң «Лидер» командасы – улыўма 9,9 балл;

Педагогика факультетиниң «Дембермес» командасы – улыўма 9,8 балл;

 

Мектепке шекемги билимлендириў факультетиниң «Қарекең» командасы – улыўма 9,1 балл;

 

Түркий тиллер факультетиниң «Шапалақ» командасы – улыўма 9 балл;

 

Тәбийғый пәнлер факультетиниң «Тәбийғый аргонавтлар» командасы – улыўма 8,6 балл;

 

Сүўретлеў өнери ҳәм мийнет тәлими факультетиниң «Спарта» командасы – улыўма 8,6 балл;

 

Баслаўыш тәлим факультетиниң «Баслаўыштың жулдызлары» командасы улыўма 8,2 балл.

 

Сыйлықлаў илажында институттың жаслар менен ислесиў мәселелери бойынша проректоры Қ.Қадиров сөзге шығып, таңлаўдың жаслар турмысындағы әҳмийетине тоқталып, соңғы жылларда институт студент жаслары тәрепинен қолға киргизилип атырған нәтийжелер ҳаққында атап өтти.

 

Соң номинациялар жеңимпазлары ҳәм барлық қатнасыўшы командаларға институт ректораты тәрепинен таярланған дипломлар ҳәм компьютерлер саўға етилди.

 

Таңлаў жеңимпазы болған физика-математика факультетиниң «ФМ» командасына усы сыйлықлар менен бирге чемпионлық кубогы тапсырылды.

 

НМПИ баспасөз хызмети.