Беларусь мәмлекетлик технологиялық университети менен бирге ислесиў мәселелери додаланды

DSC 0316 1 - Беларусь мәмлекетлик технологиялық университети менен бирге ислесиў мәселелери додаланды

Әжинияз атындағы Нөкис мәмлекетлик педагогикалық институтында Беларусь мәмлекетлик технологиялық университети менен еки тәреплеме бирге ислесиўди жолға қойыў мәселесине арналған онлайн форматтағы ушырасыў болып өтти.

 

Институттың илимий ислер ҳәм инновациялар бойынша проректоры П.Калханов пенен Беларусь мәмлекетлик технологиялық университети қәнигелигин арттырыў ҳәм қайта таярлаў институты директоры С.Пищов және басқа да жуўапкер тәреп ўәкиллери қатнасыўында болып өткен сөйлесиўлерде физика, математика, химия, биология ҳәм информатика тараўларында бирге ислесиў, профессор-оқытыўшылар, илимий излениўшилер, магистрант ҳәм студентлерди алмасыў, билим ҳәм қәнигелигин жетилистириў бойынша биргеликте алып барылатуғын жумысларды жолға қойыў мәселелери додаланды.

DSC 0325 1 - Беларусь мәмлекетлик технологиялық университети менен бирге ислесиў мәселелери додаланды

Усындай ҳәрекетлердиң нәтийжеси сыпатында атап өтиў орынлы, ҳәзирги ўақытта Нөкис мәмлекетлик педагогикалық институтының информатиканы оқытыў методикасы, аралықтан оқытыў ҳәм психология кафедралары профессор-оқытыўшылары ҳәм илимий излениўшилерден ибарат 4 оқытыўшысы Беларусь мәмлекетлик технологиялық университетинде қәнигелигин жетилистирмекте.

DSC 0338 - Беларусь мәмлекетлик технологиялық университети менен бирге ислесиў мәселелери додаланды

Еки тәреплеме сөйлесиўлерде жоқары оқыў орынларының қолға киргизип атырған табыслары ҳәм имканиятлары ҳаққында мағлыўматлар берилип, алдағы ўақытлары бирге ислесиўди раўажландырыў бойынша келисип алынды.

 

Ислам Матеков,

НМПИ баспасөз хаткери.

Автордың түсирген фотолары.