Жаңа Өзбекстанда ҳаял-қызлардың жәмийеттеги сиясий искерлигин арттырыў ҳәм гендер теңлиги мәселелери

Әжинияз атындағы Нөкис мәмлекетлик педагогикалық институтының мәжилислер залында билимлендириў системасында Өзбекстан Республикасы Президентиниң «Ҳаял-қызларды басым ҳәм зорлықтан қорғаў ҳаққында»ғы ҳәм «Ҳаял-қызлар ҳәм ерлер ушын тең ҳуқық және имканиятлар кепилликлери ҳаққында»ғы қарарларында белгилеп берилген ўазыйпаларды әмелге асырыў мақсетинде «Жаңа Өзбекстанда ҳаял-қызлардың жәмийеттеги сиясий искерлигин арттырыў ҳәм гендер теңлиги мәселелери», сондай-ақ, ҳуқықбузарлық ҳәм жынаятшылықтың алдын алыў бойынша мектепке шекемги билимлендириў ҳәм баслыўыш тәлим факультетлери студент қызлары, профессор-оқытыўшылар менен ашық сәўбет ушырасыўы шөлкемлестирилди.

 

Ушырасыўды институт ректорының ҳаял-қызлар мәселелери бойынша мәсләҳатшиси Ф.Отенова кирис сөз бенен ашып берди.

 

Ушырасыўды өткериўден мақсет ҳәзирги күнде республикамызда ҳаял-қызлардың сиясий белсендилигин арттырыў бойынша исленип атырған илажлар, Президентимиз тәрепинен қабыл етилген пәрман ҳәм қарарлар, олардың әҳмийети, ҳаял-қызлар ушын көрсетилип атырған жеңилликлер, тәлим-тәрбия, шаңарақ қурыў мәселеси, кийиниў мәденияты, сондай-ақ, гендер теңлиги ҳәм ҳаяллардың ҳуқық және еркинликлери, шаңарақлардағы ҳаял-қызлардың басым ҳәм зорлықларға ушыраў жағдайларының келип шығыў себеплери, қорғаў ордерлери, ушырасып атырған ҳуқықбузарлық ҳәм жынаятшылықлар, олардың алдын алыў бойынша кең түсиниклер бериўден ибарат болды.

 

Ушырасыўға Нөкис қалалық мәҳәлле ҳәм шаңарақты қоллап-қуўатлаў бөлими баслығының биринши орынбасары Абибуллаева Гулсара, Қарақалпақстан мусылманлары қазыяты ҳаял-қызлар мәселелери бойынша қазы жәрдемшиси, «Дослық» ордени ийеси Досымбетова Тамара, «Көк өзек» МПЖ профилактикалық инспекторы, аға лейтенант Асенбаев Айтбай, «Қумбыз аўыл» ҳәм «Көк өзек» МПЖ баслықларының шаңарақ, ҳаял-қызлар, социаллық-руўхый мәселелер бойынша орынбасарлары Қалжанова Муҳаббат ҳәм Таңирбергенова Гүлсара, институт психологы Торемуратова Гүлжамилалар қатнасып, өз пикирлери менен бөлисти. Сондай-ақ, факультетлердиң ҳаял-қызлар мәселелери бойынша жетекшилери Л.Ибрагимова ҳәм Ғ.Мырзабековларда өз пикирлерин билдирди ҳәм  ашық сәўбет соңында студент қызлар өзлерин қызықтырған сораўларына жуўаплар алды.        

 

НМПИ Ҳаял-қызлар кеңеси

1 4 1024x768 - Жаңа Өзбекстанда ҳаял-қызлардың жәмийеттеги сиясий искерлигин арттырыў ҳәм гендер теңлиги мәселелери2 5 1024x768 - Жаңа Өзбекстанда ҳаял-қызлардың жәмийеттеги сиясий искерлигин арттырыў ҳәм гендер теңлиги мәселелери3 5 1024x768 - Жаңа Өзбекстанда ҳаял-қызлардың жәмийеттеги сиясий искерлигин арттырыў ҳәм гендер теңлиги мәселелери4 5 1024x768 - Жаңа Өзбекстанда ҳаял-қызлардың жәмийеттеги сиясий искерлигин арттырыў ҳәм гендер теңлиги мәселелери5 5 1024x768 - Жаңа Өзбекстанда ҳаял-қызлардың жәмийеттеги сиясий искерлигин арттырыў ҳәм гендер теңлиги мәселелери