ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

«Жоқары оқыў орнының ең жақсы педагогы» таңлаўының институт басқышы жеңимпазлары анықланды

Ɵзбекстан Республикасы Министрлер Кеңесиниң 2015-жыл 24-февралдағы 32-санлы карары менен тастыйықланған «Жоқары оқыў орнының ең жақсы педагогы» таңлаўының институт басқышы өз жуўмағына жетти. Таңлаў «Қәнигелиги бойынша ең жақсы педагог», «Ең жақсы педагог изертлеўши» ҳәм «Инновация ҳәм хабар технологияларынан пайдаланыўшы ең жақсы педагог» номинациялары бойынша өткерилиўи белгиленген еди.

Таңлаўға институт профессор-оқытыўшыларынан жәми 28 талабан ҳүжжет тапсырды. Ҳүжжетлер тийисли тәртипте комиссия ағзалары тәрепинен үйренилип, тексерилип шығылды. Олардың ишинен ҳүжжетлерин толық түрде тапсырған ҳәм соңғы үш жыллықта ерискен жетискенликлери жоқары деп табылған ҳәр номинация бойынша 2 талабан кейинги басқышқа жоллама алды.

 «Қәнигелиги бойынша ең жақсы педагог» номинациясы бойынша Ɵзбек тили кафедрасы доценти ў.ў.а. Султанова Айдын Менлибаевна, Миллий идея, руўхыйлық тийкарлары ҳәм ҳуқуқ тәлими кафедрасы үлкен оқытыўшысы Арзиева Бахытгүл Имаметдинова,;

«Ең жақсы педагог изертлеўши» номинациясы бойынша Ɵзбек әдебияты кафедрасы доценти Сапаева Феруза Давлатовна, Аралықтан оқытыў кафедрасы доценти Садуллаева Альфия Низамаддиновна;    

«Инновация ҳәм хабар технологияларынан пайдаланыўшы ең жақсы педагог» номинациясы бойынша Факультетлер аралық шет тили кафедрасы ассистент оқытыўшысы Борашева Айболған Түгелбаевна, Мектепке шекемги тәлим кафедрасы ассистент оқытыўшысы Ержанова Матлуба Комилджановалардың илимий-дөретиўшилик мийнетлери жоқары деп табылды ҳәм комиссия қурамы усы алты талабанның ашық сабақ өтиў, сондай-ақ өз илимий консепциясын жарытып таныстыра билиў шеберликлерин бақлап барды.

Таңлаў нәтийжесине бола «Қәнигелиги бойынша ең жақсы педагог» номинациясы бойынша 1-орын Миллий идея, руўхыйлық тийкарлары ҳәм ҳуқуқ тәлими кафедрасы үлкен оқытыўшысы Арзиева Бахытгүл  Имаметдинова, 2-орын  Ɵзбек тили кафедрасы доценти ў.ў.а. Султанова Айдын Менлибаевна;

«Ең жақсы педагог изертлеўши» номинациясы бойынша 1-орын Ɵзбек әдебияты кафедрасы доценти Сапаева Феруза Давлатовна, 2-орын Аралықтан оқытыў кафедрасы доценти Садуллаева Альфия Низамаддиновна;

«Инновация ҳәм хабар технологияларынан пайдаланыўшы ең жақсы педагог» номинациясы бойынша 1-орын       Мектепке шекемги тәлим кафедрасы ассистент оқытыўшысы Ержанова Матлуба Комилджанова, 2-орын Факультетлер аралық шет тили кафедрасы ассистент оқытыўшысы Борашева Айболған Түгелбаевналарға несип етти. Таңлаўдың 3 номинациясы бойынша да 3-орынға ылайық талабан табылмады.

Жеңимпазларды институт жәмәәти атынан қызғын қутлықлаймыз ҳәм оларға келеси Ɵзбекстан Республикалық басқышында әўмет тилеймиз.

 

Аллаяр Дарменов,

Оқыў-методикалық басқарма инспекторы.