ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

Вакцина алған студентлерге контракт төлеминде шегирме бонусы бериледи

Елимиздеги эпидемиологиялық жағдайды есапқа алған ҳалда жуўапкер шөлкемлердиң усынысларына муўапық, ҳәзирги ўақытқа шекем Республикалық арнаўлы комиссияның қарарлары тийкарында улыўмалық шаншыў жумысларына қамтып алынатуғын халық топарларының қатары кеңейтилди.

Усы тийкарда, 18 жастан жоқары болған Самарқанд ҳәм Ташкент ўәлаяты халқын, сондай-ақ, имканияттан келип шығып, басқа аймақлардағы 18 жастан үлкен болған халық қатламын өзлери бириктирилген бирлемши медициналық-санитариялық мәкемелерде ықтыярлы түрде шаншыў белгиленди.

Елимизде жумыс алып барып атырған барлық мәмлекетлик ҳәм мәмлекетлик емес жоқары оқыў орынларында билим алып атырған 18 жастан үлкен болған, ҳәзирги ўақытта бакалавриатура, магистратура, клиникалық ординатура басқышларында билим алып атырған студентлерди Мәмлекетлик бюджет қаржылары есабынан коронавирус инфекциясына қарсы ықтыярлы түрде ғалабалық шаншыў белгиленди.

Және бир жаңалық: коронавирус инфекциясына қарсы ықтыярлы түрде шаншылған төлемли контракт тийкарында оқыйтуғын студентлерге шөлкемлестириў-ҳуқықый формасына қарамастан, 2021-2022-оқыў жылы ушын базалық төлемли контрактына 10 процент муғдарында бир мәртелик шегирме бонусы бериледи.

 

Ислам Матеков.