ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Ministr orınbasarı institutta jaslar ushın jaratılıp atırǵan sharayatlar menen tanıstı

Ózbekstan Respublikası Joqarı hám orta arnawlı bilimlendiriw ministriniń ekonomikalıq máseleler boyınsha orınbasarı Sarvarxon Buzrukxonov búgin, 16-avgust kúni Qaraqalpaqstan Respublikasına xızmet saparı menen keldi.

Sapar sheńberinde ministr orınbasarı Ájiniyaz atındaǵı Nókis mámleketlik pedagogikalıq institutında student jaslar ushın jaratılıp atırǵan sharayatlardı kózden ótkerdi.

Dáslep házirgi waqıtta rekonstrukciya jumısları dawam etip atırǵan 600 orınlıq studentler turaq jayında ámelge asırılıp atırǵan qurılıs-abadanlastırıw jumısları menen tanısıp, jaslar ushın dem alıw, bos waqıtların mazmunlı ótkeriw, awqatlanıw, sonday-aq, basqa da sharayatlardı jaratıw baǵdarındaǵı jumıslar boyınsha institut rektorı B.Otemuratov jáne basqa juwapkerler menen pikir almastı hám tiyisli tapsırmalar berdi.

Sonday-aq, S.Buzrukxonov jańadan qurılıp atırǵan institut bas imaratınıń qurılıs jumısların barıp kórip, qurılıstı belgilengen waqıtta sapalı etip juwmaqlaw boyınsha kórsetpeler berdi.

NMPI baspasóz xızmeti.