Joqarı oqıw orınları bakalavriatınıń ekinshi qánigeligine kiriw imtixanlarında qatnasıw ushın onlayn arza tapsırıw sisteması jolǵa qoyıldı.

Endi ekinshi qánigelikte oqımaqshı bolǵan abiturientler Joqarı hám orta arnawlı bilimlendiriw ministrliginiń ikkinchitalim.edu.uz onlayn platforması arqalı hújjetlerdi tapsırıwı múmkin.

Maǵlıwmat ornında atap ótiw orınlı, ekinshi qánigelikke onlayn hújjet tapsırıw platforması test rejiminen tolıq rejimge ótti. Eger aldınǵı test rejiminde hújjet tapsırǵanlardıń maǵlıwmatları óship ketken bolsa, qaytadan usı jıldıń 30-avgust kúnine shekem hújjetlerdi tapsırıwı múmkin.

Ájiniyaz atındaǵı Nókis mámleketlik pedagogikalıq institutına ekinshi qánigelik ushın bakalavriattıń ximiya, biologiya, pedagogika hám psixologiya, ana tili hám ádebiyatı: qaraqalpaq tili hám ádebiyatı, baslawısh tálim hám mektepke shekemgi tálim baǵdarlarına hújjetler qabıllanbaqta.

NMPI baspasóz xızmeti.