Xabarıńız bar, joqarı oqıw orınlarınıń ekinshi qánigeliklerinde oqıw ushın ikkinchitalim.edu.uz onlayn platforması arqalı hújjetlerdi qabıllaw procesi dawam etpekte.

Ájiniyaz atındaǵı Nókis mámleketlik pedagogikalıq institutında ekinshi qánigelik ushın bakalavriattıń ximiya, biologiya, pedagogika hám psixologiya, ana tili hám ádebiyatı: qaraqalpaq tili hám ádebiyatı, baslawısh tálim hám mektepke shekemgi tálim baǵdarlarına hújjetler qabıllanbaqta.

Bunda ximiya tálim baǵdarı menen ana tili hám ádebiyatı: qaraqalpaq tili hám ádebiyatı tálim baǵdarına hújjet tapsırıw waqtında «Tálim forması» degen jerden «Keshki» degen kategoriyanı belgilew kerek boladı.

Eger «Kúndizgi» yamasa «Sırtqı» degen kategoriyalar belgilense, ximiya tálim baǵdarı menen ana tili hám ádebiyatı: qaraqalpaq tili hám ádebiyatı tálim baǵdarına hújjet tapsırıwda mashqalalar júzege keliwi múmkin.

Sonlıqtan, usı tálim baǵdarlarına hújjet tapsırıwda «Tálim forması» degen jerden «Keshki» degen kategoriyanı belgilew usınıs etiledi.

Esletip ótemiz, joqarı oqıw orınlarınıń ekinshi qánigeliklerinde oqıw ushın ikkinchitalim.edu.uz onlayn platforması arqalı hújjetlerdi qabıllaw procesi 30-avgustqa shekem dawam etedi.

NMPI baspasóz xızmeti.