ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Magistraturanıń qánigelik pánlerinen tiyisli ball toplay almaǵanlar shet tilinen ótkeriletuǵın testke qatnasa almay ma?

Xabarıńız bar, 2021-2022-oqıw jılı ushın mámleketlik joqarı oqıw orınlarınıń magistratura qánigeliklerine talabanlardı onlayn dizimge alıw Joqarı hám orta arnawlı bilimlendiriw ministrligi tárepinen ámelge asırıldı jáne 1-basqısh imtixanları joqarı oqıw orınları tárepinen ótkerildi.

Ózbekstan Respublikası Prezidentiniń 2021-jıl 22-iyundaǵı PQ-5157-sanlı qararına muwapıq, 2-basqısh imtixanları, yaǵnıy shet tili páninen test sınaqları Mámleketlik test orayı tárepinen ótkeriledi.

Shet tili páninen test sınaqları 28-29-avgust kúnleri 3 smenada ótkeriliwi belgilengen bolıp, talabanlar test sınaǵında qatnasıw ushın ruxsatnamanı magistr.edu.uz saytınan júklep alıwı múmkin.

Bunda ruxsatnamalar Joqarı hám orta arnawlı bilimlendiriw ministrligi tárepinen Mámleketlik test orayına usınılǵan maǵlıwmatlar tiykarında qáliplestirilgen bolıp, joqarı oqıw orınları tárepinen qánigelik páni boyınsha ótkerilgen imtixanda neshe ball alıwına qaramastan ruxsatnama shıqqan barlıq talabanlar test sınaqlarında qatnasa aladı, dep jazbaqta Mámleketlik test orayı.

Talabanlardan test sınaǵı ótkeriletuǵın aymaqqa shaxsın tastıyıqlawshı hújjet hám test sınaǵında qatnasıw ushın ruxsatnama menen belgilengen waqıttan keminde yarım saat aldın keliwi soraladı.

Islam Matekov,
Qaraqalpaqstan xabar agentligi.