Jataqxana menen támiyinlenbegen hám ózine, sonıń menen birge, ata-anasına (nızamlı wákillerine) tiyisli bolmaǵan jayda ijarada jasaytuǵın mámleketlik joqarı oqıw orınları studentleriniń 60 procentine olar tárepinen tólenetuǵın aylıq ijara tóleminiń 50 procenti Mámleketlik byudjet esabınan tólep beriledi. Bul haqqında Ózbekstan Respublikası Prezidentiniń 2021-jıl 20-apreldegi «Jaslardıń isbilermenlik jumısların qollap-quwatlaw hám bántligine kómeklesiw, olardı sociallıq qorǵaw jáne bos waqtın mazmunlı shólkemlestiriwge baylanıslı qosımsha ilajlar haqqında»ǵı pármanında kórsetip ótilgen.

Bunda:

— ijara tóleminiń tólep beriletuǵın bólimi Tashkent qalasında – bazalıq esaplaw muǵdarınıń 1 esesi, basqa aymaqlarda – bazalıq esaplaw muǵdarınıń 0,5 esesinen kóp bolmawı kerek;

— ijara tóleminiń tólep beriletuǵın bólimi birinshi gezekte járdemge mútáj shańaraqlardıń perzentlerine, órnek bolatuǵın hám belsendi studentler ushın tólep beriledi;

— joqarı oqıw orınları tárepinen olardıń byudjetten tıs qarjıları esabınan ijara huqıqı tiykarında jasaytuǵın basqa studentlerge de aylıq ijara tóleminiń bir bólegi tólep beriliwi múmkin.

Islam Matekov,
Qaraqalpaqstan xabar agentligi.