Ózbekstan Respublikası Joqarı hám orta arnawlı bilimlendiriw ministrligi tárepinen respublikamızdaǵı barlıq joqarı oqıw orınları qatarında Ájiniyaz atındaǵı Nókis mámleketlik pedagogikalıq institutında da jańa 2021-2022-oqıw jılı usı jıldıń 6-sentyabr kúninen dástúriy (oflayn) tárizde baslanıwı belgilendi.

Instituttıń shet tilleri hám dene mádeniyatı fakultetleri jaylasqan 4-sanlı, sonday-aq, pedagogika, baslawısh tálim hám mektepke shekemgi tálim fakultetleri jaylasqan 6-sanlı oqıw imaratlarında rekonstrukciya jumısları alıp barılıp atırǵanlıǵı sebepli usı jıldıń sentyabr-dekabr ayları aralıǵında oqıw procesi institut sheńberinde 3 smenada shólkemlestiriledi.

1-smena
1-juplıq saat 08:00 — 09:20 aralıǵında;
2-juplıq saat 09:30 — 10:50 aralıǵında;
3-juplıq saat 11:00 — 12:20 aralıǵında.

2-smena
1-juplıq saat 12:30 — 13:50 aralıǵında;
2-juplıq saat 14:00 — 15:20 aralıǵında;
3-juplıq saat 15:30 — 16:50 aralıǵında.

3-smena
1-juplıq saat 17:00 — 18:20 aralıǵında;
2-juplıq saat 18:30 — 19:50 aralıǵında.

Sonday-aq, rekonstrukciya jumısları alıp barılıp atırǵan fakultetlerdegi tálim baǵdarlarında oqıw procesi tómendegi kórsetilgen orınlarda bolıp ótiwi belgilendi:

Shet tilleri fakultetiniń inglis tili hám ádebiyatı tálim baǵdarı ushın Tashkent informaciyalıq texnologiyalar universiteti Nókis filialı akademiyalıq liceyinde 2-smenada (aldınǵı QMU 3-sanlı liceyi);

Shet tilleri fakultetiniń rus tili hám ádebiyatı tálim baǵdarı ushın instituttıń túrkiy tiller fakulteti imaratında 3-smenada;

Dene mádeniyatı fakultetiniń barlıq tálim baǵdarları ushın Nókis rayonındaǵı kásip-óner mektebi imaratında 2-smenada (aldınǵı Qutankól kolledji);

Pedagogika fakultetiniń pedagogika hám psixologiya tálim baǵdarı ushın institut akademiyalıq liceyi imaratında 2-smenada;

Pedagogika fakultetiniń mektep menedjmenti, sonday-aq, muzıkalıq tálim baǵdarları ushın instituttıń túrkiy tiller fakulteti imaratında 3-smenada;

Baslawısh tálim fakultetiniń barlıq tálim baǵdarları ushın instituttıń 6-sanlı oqıw imaratında 3-smenada (instituttıń sırtqı bólimi oqıytuǵın imarat);

Mektepke shekemgi tálim fakultetiniń barlıq tálim baǵdarları ushın instituttıń 3-sanlı oqıw imaratında 3-smenada (instituttıń fizika-matematika fakulteti jaylasqan imarat).

Sonıń menen birge, joqarıda atap ótilgen tálim baǵdarlarınıń pitkeriwshi kurs studentleriniń 8-semestrdegi mámleketlik pedagogikalıq ámeliyatı 7-semestrge kóshiriliwi belgilendi.

NMPI baspasóz xızmeti.