ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Ministr orınbasarı Yusuf Absoatov Nókis mámleketlik pedagogikalıq institutına keldi

Búgin, 13-sentyabr kúni Ózbekstan Respublikası Joqarı hám orta arnawlı bilimlendiriw ministriniń málimleme texnologiyaları hám jaslar máseleleri boyınsha orınbasarı Yusuf Absoatov Ájiniyaz atındaǵı Nókis mámleketlik pedagogikalıq institutına keldi.

Ministr orınbasarı dáslep instituttıń 600 orınlıq studentler turaq jayında alıp barılıp atırǵan rekonstrukciya jumısları menen tanıstı. Bul jerde studentler ushın jaratılıp atırǵan sharayatlar hám imkaniyatlardı kózden ótkerip, óz usınısların bildirdi.

Bunnan soń instituttıń kishi májilisler zalında prorektorlar hám fakultet dekanları qatnasıwında ushırasıw bolıp ótti. Onda Prezidentimiz basshılıǵında joqarı bilimlendiriw tarawında jáhán standartlarına juwap beretuǵın, sapalı bilim beriw sistemasın jolǵa qoyıw baǵdarında ámelge asırılıp atırǵan reformalardıń ámeliy áhmiyeti hár tárepleme dodalanıp, búgingi kúnde tarawda orın alıp atırǵan mashqalalar hám olardı sheshiw boyınsha pikir-usınıslar beriw máselesi sóz boldı.

NMPI baspasóz xızmeti.