Kafedra baslıǵı: Ximiya oqıtıw metodikası, Ózbek tili kafedralarına.

Professor lawazımına:  Pedagogika kafedralarına.

Docent lawazımına: Ózbek ádebiyatı, Qazaq tili hám ádebiyatı, Súwretlew óneri hám injenerlik grafikası kafedralarına.

Úlken oqıtıwshı lawazımına: Tariyx oqıtıw metodikası, Qaraqalpaq tili kafedralarına.

Assistent oqıtıwshı lawazımına: Fizika oqıtıw metodikası, Ximiya oqıtıw metodikası, Tariyx oqıtıw metodikası, Zoologiya, adam morfofiziologiyası hám onı oqıtıw metodikası, Ózbek tili Pedagogika, Inglis tili hám ádebiyatı, Fakultetler ara shet tili (inglis tili), Mektepke shekemgi tárbiya hám defektologiya (defektolog), Ulıwma pedagogika hám psixologiya (pedagogika baǵdarı), Dene tárbiya kafedralarına.

Kafedra baslıǵı lawazımın iyelew ushın tańlawda ilim doktorı, ilim kandidatı ilimiy dárejesine, professor yaki docent ilimiy ataǵına, sonday-aq tiyisli qánigelik boyınsha shet mámleketlerdiń filosofiya doktorı (PhD) ilimiy dárejesine yaki oǵan teńlestirilgen basqa ilimiy dárejelerge iye bolǵan shaxslar qatnasıwı múmkin.

Professor lawazımın iyelew ushın  tańlawda, qaǵıydaǵa kóre, professor ilimiy ataǵına yaki ilim doktorı ilimiy dárejesine, sonday-aq tiyisli qánigelik boyınsha shet mámleketlerdiń oǵan teńlestirilgen basqa ilimiy dárejelerge iye bolǵan shaxslar qatnasıwı múmkin.

Docent lawazımın iyelew ushın tańlawda, qayǵıdaǵa kóre, docent, ilimiy ataǵına, úlken ilimiy xızmetker yaki ilim doktorı (kandidatı) ilimiy dárejesine, sonday-aq tiyisli qánigelik boyınsha shet mámleketlerdiń filosofiya doktorı (PhD) ilimiy dárejesine yaki oǵan teńlestirilgen basqa ilimiy dárejelerge iye bolǵan shaxs qatnasıwı múmkin.

Úlken oqıtıwshı lawazımına joqarı maǵlıwmatqa iye bolǵan (magistr diplomlı) qánige, ilimiy dáreje hám ilimiy ataqqa  iye bolǵan (sonday-aq tiyisli qánigelik boyınsha shet mámleketlerdiń filosofiya doktorı (PhD) ilimiy dárejesine yaki oǵan teńlestirilgen basqa ilimiy dárejelerge) hám bunday dáreje hám ataqqa iye bolmaǵan, biraq oqıtıwshılıq, ilim izertlew hám islep shıǵarıw isleri tájiriybesine iye bolǵan puqaralar da  qatnasıwı múmkin.

Assistent lawazımına iyelew ushın tańlawda joqarı maǵlıwmatqa iye bolǵan shaxs (magistr, diplomlı qánige), sonday-aq ilimiy dáreje (atap aytqanda, ilim kandidatı, tiyisli qánigelik boyınsha shet mámleketlerdiń filosofiya doktorı (PhD) ilimiy dárejesine yaki oǵan teńlestirilgen basqa ilimiy dárejelerine) hám ilimiy ataqqa iye bolǵan hám de bunday dárejege hám ataqqa yie bolmaǵan, biraq oqıtıwshılıq, ilimiy-izertlew hám islep shıǵarıw jumısları tájriybesine iye bolǵan shaxslar da qatnasıwı múmkin.

Tańlawǵa qatnasıwdı qálewshiler institut rektorı atına arza, kadrlardı esapqa alıw boyınsha jeke is qaǵazı, diplomları hám ilimiy jumıslarınıń dizimi, sonday-aq qánigeligin jetilistirgenligi haqqındaǵı guwalıǵınıń kóshirmelerin tapsıradı.

Tańlawǵa qatnasıw ushın arzalar daǵaza járiyalanǵan kúnnen baslap  1 aydan keshikpey beriliwi kerek.

Tańlaw shártleri boyınsha qosımsha maǵlıwmatlardı institut keńesi xatkerinen biliwińizge boladı.

Mákan jayımız: Nókis qalası, P.Seytov kóshesi  nomersiz jay.

Telefon: (91) 384-33-12