Institutta Ózbekstan Respublikası Prezidenti Shavkat Mirziyoev avtorlıǵındaǵı jańadan basılıp shıqqan «Yangi O’zbekiston Strategiyasi» kitabın professor-oqıtıwshılar hám student jaslarǵa tanıstırıwǵa arnalǵan ilaj bolıp ótti.

Ilajdı instituttıń ruwxıy-aǵartıwshılıq hám jaslar máseleleri boyınsha prorektorı Q.Qadirov basqarıp bardı.

Prezidenttiń jańa kitabı alǵı sóz, 7 bólim hám juwmaqlawshı bólimnen ibarat bolıp, onda Jańa Ózbekstan hám Úshinshi Renessanstı qurıw boyınsha ámelge asırılıp atırǵan jumıslar, milliy rawajlanıw perspektivaları haqqında sóz etilgen.

Ilajǵa Respublikalıq Ruwxıy-aǵartıwshılıq orayı Qaraqalpaqstan Respublikalıq bóliminiń juwaplı xızmetkeri, shayır Sharapatdin Ayapov qatnasıp, usı kitapta Jańa Ózbekstan hám Úshinshi Renessanstıń tırnaǵın qalawda ámelge asırılıp atırǵan túpkilikli ózgerisler hám reformalardıń maqseti, mazmunı hám baslı baǵdarları, milliy rawajlanıw perspektivaları haqqında sóz etilgenligin atap ótti.

Ilajda sońǵı jıllarda barlıq tarawlar sıyaqlı joqarı bilimlendiriwdegi tariyxıy jańalanıwlar, jaslar siyasatı boyınsha ámelge asırılıp atırǵan jumıslar keń dodalandı, pikir almasıldı.

 

NMPI baspasóz xızmeti.