Ózbekstan Respublikası Prezidenti janındaǵı Aralboyı xalıqaralıq innovaciyalıq orayı hám «Yunisef» tárepinen ámelge asırılıp atırǵan «ImkonLab» joybarı 12-21-sentyabr kúnleri Moynaq rayonında ámelge asırıldı.

Joybardıń final basqıshında Moynaqlı jaslar sociallıq innovaciyalar hám sociallıq isbilermenlikke baǵdarlanǵan joybarları menen qatnastı.

Joybardıń áhmiyetli tárepi jaslar jańa kásiplik kѳnlikpelerdi iyelep, shańaraǵı (dosları, qońsıları)nıń kúndelikli turmısında júz berip atırǵan mashqalalardı sheshiw, sonıń menen birge, ideyalardı modellestiriw, rawajlandırıw jáne ѳz ideyaların ámelge asırıw ushın 1000 AQSh dolların jeńip alıw imkaniyatın beredi.

Joybar dawamında Nókis mámleketlik pedagogikalıq institutınıń fizika-matematika, turkiy tiller, pedagogika, tariyx fakultetlerinen jámi 3 komanda qatnastı. Jarıs juwmaǵına muwapıq, 3 komanda 1000 AQSh dollarınan jámi 3000 AQSh dolların jeńip aldı.

Ilajǵa 16-25 jas aralıǵındaǵı jámi 9 komanda duzilip, olardan 5 komanda jeńiske eristi.

Usınday xalıqaralıq, sociallıq, innovaciyalıq hám startap joybarlarda institutımız student jaslarınıń belsene qatnasıwı jáne jeńislerdi qolǵa kirgiziwi institutımız ushın ulken maqtanısh!