ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Student qızlar menen instituttıń ishki tártip-intizamı, kiyiniw mádeniyatı boyınsha sáwbetlesiw ótkerildi

NMPI rektorınıń hayal-qızlar máseleleri boyınsha másláhátshisi F.Otenovanıń basshılıǵında tábiyǵıy pánler hám túrkiy tiller fakultetlerinde 1-kursqa oqıwǵa qabıl etilgen student qızlar menen sáwbetlesiw ótkerildi.

Jańa oqıw jılında  1-kursqa qabıl etilgen student qızlarǵa oqıw ornı, bul jerde jaslarǵa tálim berip atırǵan hayal-qız oqıtıwshılar, sonday-aq, ilim, bilim dárgayınıń maqtanıshı bolǵan úlgili student qızlarımız  haqqında tolıq maǵlıwmatlar berildi.

Sáwbet dawamında joqarı oqıw ornı student qızları, professor-oqıtıwshılar ishki tártip-intizam, ádep-ikramlılıq tártibine ámel etiw máseleleri, student qızlar ortasında «Milliy úrp-ádetlerimizge say kiyimler» hám oqıw orınlarında kiyiniw mádeniyatı, oqıw ornına beyimlesiwine kómeklesiw sıyaqlı máselelerge toqtap ótildi.

Sonday-aq búgingi kúnde barlıq hayal-qızlarǵa berilip atırǵan imkaniyatlar, ásirese, student qızlarımızǵa húrmetli Prezidentimiz tárepinen kórsetilip atırǵan ǵamqorlıqlar hám institut basshıları tárepinen jaratılıp berilip atırǵan sharayatlar haqqında aytıp ótildi.

Sáwbetlesiw sońında soraw-juwaplar, pikir almasıwlar boldı. Ushırasıwǵa NMPI psixologı S.Sabirova, tábiyǵıy pánler hám túrkiy tiller fakultetleri dekanlarınıń  hayal-qızlar máseleleri boyınsha másláhátshileri Z.Bekturganova, F.Sapaeva hám 1-kurs student qızlar qatnastı.