ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

«Super kontrakt»tiń minimal muǵdarları belgilendi

2021-2022-oqıw jılı qabıllawında bakalavriat tálim baǵdarlarına kiriw imtixanları nátiyjelerine muwapıq toplaǵan balları tastıyıqlanǵan tólemli kontrakt sheńberindegi qabıllaw parametrleri shegarasına 4,05 balldan artıq jetpegen, 56,7 balldan kem bolmaǵan halda, qosımsha tiykarda oqıw niyetin bildirgen abiturientlerdiń birinshi oqıw jılı ushın ámelde belgilengen bazalıq tólemli kontrakt muǵdarlarına salıstırǵanda eselengen tólemli kontrakttıń minimal muǵdarları tastıyıqlandı.

Joqarı hám orta arnawlı bilimlendiriw ministrliginiń xabar beriwinshe, eselengen tólemli kontrakttiń («super kontrakt») minimal muǵdarların esaplawda 2021-2022-oqıw jılı ushın ámelde belgilengen bakalavriat tálim baǵdarları boyınsha bir studentti tólemli kontrakt tiykarında stipendiyasız bazalıq tólemli kontrakt boyınsha oqıtıw bahası qollanılıwı hám koronavirus infekciyasına qarsı shanshılǵan (vakcina alǵan) abiturientlerge belgilengen eselengen tólemli kontrakttıń minimal muǵdarına 10 procentlik shegirme beriliwi belgilendi.

Sonıń menen birge, Ózbekstan Respublikası Prezidentiniń 2021-jıl 22-iyundaǵı PQ-5157-sanlı qararınıń 7-bántine tiykarlanıp belgilengen tártipke muwapıq, STUDENTLERDIŃ OQÍWÍN KÓShIRIW (KÓShIRIP TIKLEW), sonday-aq, abiturientlerdi SÍRTQÍ HÁM KEShKI BILIMLENDIRIW FORMASÍNA bakalavriatqa studentlikke usınıs etiwde 2021-2022-oqıw jılı ushın tastıyıqlanǵan eselengen tólemli kontrakttıń minimal muǵdarları qollanılıwı jáne koronavirus infekciyasına qarsı shanshılǵan (vakcina alǵan) abiturientler hám studentlerge eselengen tólemli kontrakttıń minimal muǵdarlarına bir mártelik 10 procentlik shegirme beriledi.

«Super kontrakt»tiń minimal muǵdarları kórsetilgen fayldı júklep alıw

Islam Matekov.