ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Hayal-qızlarǵa berilgen usınısnama tiykarında Qaraqalpaqstanda neshe abiturient grant tiykarında student bolǵanı málim etildi

2020-jıl 23-iyun kúni Ministrler Kabineti tárepinen joqarı oqıw orınlarına qosımsha mámleketlik grant tiykarındaǵı qabıllaw kórsetkishleri sheńberinde hayal-qızlarǵa tańlawda qatnasıw ushın usınısnama beriw hám olardı oqıwǵa qabıllawdı shólkemlestiriw tártibi haqqındaǵı reje qabıl etilgen edi.

Usı rejege muwapıq, bıyılǵı jılı Ózbekstan Respublikası Máhálle hám shańaraqtı qollap-quwatlaw ministrligi tárepinen Qaraqalpaqstan Respublikası boyınsha «Temir dápter», «Hayallar dápteri»ne kirgizilgen shańaraqlardıń qız perzentleri, sonday-aq, «Jaslar dápteri»ne kirgizilgen hayal-qızlardan 2443 ine ornatılǵan tártipte usınısnamalar berilgen. Bul haqqında QR Máhálle hám shańaraqtı qollap-quwatlaw ministrligi xabar berdi.

Olar arasınan 114 hayal-qız joqarı oqıw orınları bakalavriatınıń kúndizgi tálim baǵdarlarına qosımsha mámleketlik grant tiykarında studentlikke qabıl etilgen.

Usınısnama tiykarında studentlikke qabıl etilgen hayal-qızlardı qala hám rayonlar kesiminde alıp qaraytuǵın bolsaq:

Nókis qalası – 20;
Ámiwdárya rayonı – 8;
Beruniy rayonı – 7;
Bozataw rayonı – 5;
Kegeyli rayonı – 6;
Qanlıkól rayonı – 13;
Qaraózek rayonı – 2;
Qońırat rayonı – 4;
Moynaq rayonı – 4;
Nókis rayonı – 6;
Taqıyatas rayonı – 3;
Taxtakópir rayonı – 3;
Tórtkúl rayonı – 7;
Xojeli rayonı – 7;
Shomanay rayonı – 1;
Shımbay rayonı – 14;
Ellikqala rayonı – 4 student bolıp tabıladı.

Qaraqalpaqstan xabar agentligi.