ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Jańalıq! Qaraqalpaq gumanitar ilimiy-izertlew institutı janında ilimiy keńes dúzildi

Ózbekstan Respublikası Ilimler akademiyası Qaraqalpaqstan bóliminiń Qaraqalpaq gumanitar ilimiy-izertlew institutı janında filologiya ilimleri boyınsha ilim doktorı (DSc) ilimiy dárejesin beriwshi ilimiy keńes dúzildi.

Qaraqalpaq gumanitar ilimiy-izertlew institutı janındaǵı ilimiy keńeske tómendegi qánigelikler boyınsha dissertaciyalar qorǵawın ótkeriwge ruxsat berildi:

10.00.03 – «Qaraqalpaq tili»;
10.00.08 – «Folklortanıw».

Ilimiy keńes quramı 10 adamnan ibarat bolıp, Ózbekstan Respublikası Ilimler akademiyası Qaraqalpaqstan bóliminiń Qaraqalpaq gumanitar ilimiy-izertlew institutı direktorı, filologiya ilimleriniń doktorı (DSc) Aytmurat Alniyazov ilimiy keńes baslıǵı etip belgilendi.

Islam Matekov,
Qaraqalpaqstan xabar agentliginiń sholıwshısı.