Ájiniyaz atındaǵı Nókis mámleketlik pedagogikalıq institutında 2021-2022-oqıw jılı ushın bakalavriat tálim baǵdarlarında eselengen tólemli kontrakt («super kontrakt») tiykarında oqıwdı qálewshi, biraq belgilengen waqıtqa (1-oktyabr) shekem arza tapsıra almaǵan abiturientler instituttıń Qabıllaw komissiyasına kelip múrájat etse, olardı onlayn tárizde dizimnen ótkeriw támiyinlenedi.

Esletip ótemiz, usı kategoriyadaǵı abiturientler https://t-kontrakt.edu.uz/ saytı arqalı basqa orınlardan onlayn túrde hújjet tapsırıwı sheklengen. Sol sebepli, institut Qabıllaw komissiyasına tez pursatlarda puqaralıq pasportları menen kelip múrájat etiwin soraymız.

Maǵlıwmat ushın atap ótiw kerek, bul tek ǵana «super kontrakt»qa ulıwma arza tapsıra almay qalǵan abiturientlerge tiyisli.

Mánzil: Nókis qalası, Pirjan Seytov kóshesi nomersiz jay (burınǵı Gidromeliorativlik kolledj). Baǵdar: 26-kishi rayon aymaǵındaǵı kishi bazar.

NMPI qabıllaw komissiyası.