ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Dıqqat! NMPIge oqıwǵa kiriw ushın 4,05 ballǵa shekem jetpegen abiturientler ushın shártnamalar beriledi

Ájiniyaz atındaǵı Nókis mámleketlik pedagogikalıq institutınıń bakalavriat tálim baǵdarlarına kiriw ushın 4,05 ballǵa shekem jetpegen hám https://t-kontrakt.edu.uz sisteması arqalı onlayn tárizde arza tapsırǵan abiturientlerge (bakalavriat hám sırt ellerden oqıwın kóshiriw boyınsha imtixan tapsırıp, usınıs etilmegenlerge) eselengen tólemli kontrakt («super kontrakt») boyınsha shártnamalar 2021-jıldıń 14-oktyabr kúninen baslap instituttıń buxgalteriyası arqalı offlayn tárizde beriledi. Abiturientler puqaralıq pasportı menen kelip, múrájat etiwi kerek.

Maǵlıwmat ornında atap ótiw orınlı, bıyılǵı oqıw jılında eselengen tólemli kontrakt («super kontrakt») muǵdarları tómendegishe esaplanadı:

– 1,05 ballǵa shekem jetpegen abiturientler ushın – bazalıq tólemli kontrakt muǵdarınıń 1,5 esesi;

– 1,06 balldan 2,05 ballǵa shekem jetpegenler ushın – bazalıq tólemli kontrakt muǵdarınıń 2,0 esesi;

– 2,06 balldan 3,05 ballǵa shekem jetpegenler ushın – bazalıq tólemli kontrakt muǵdarınıń 2,5 esesi;

– 3,06 balldan 4,05 ballǵa shekem jetpegenler ushın – bazalıq tólemli kontrakt muǵdarınıń 3,0 esesi.

Esletip ótemiz, «super kontrakt» boyınsha shártnamalar házirshe oqıwǵa kiriw ushın 4,05 ballǵa shekem jetpegen abiturientler ushın beriledi. 4,06 balldan kóp jetpegen abiturientler ushın shártnamalar qashannan baslap beriletuǵınlıǵın qosımsha járiyalaymız.

NMPI qabıllaw komissiyası.