Ájiniyaz atındaǵı Nókis mámleketlik pedagogikalıq institutınıń úlken májilisler zalında «Jaslar arasında jınayatshılıq hám huqıqbuzarlıqtıń aldın alıw» atamasında huqıq qorǵaw uyımları xızmetkerleri qatnasında ushırasıw ótkerildi.

Ilaj dawamında búgingi kúnde jaslar arasında ushırasıp atırǵan hár túrli jınayatlar, huqıqbuzarlıqlar ushırasıp turǵanlıǵı, jınayatlar, huqıqbuzarlıqlardıń aldın alıw boyınsha qánigeler tárepinen bir qansha ilajlar, túsindiriw jumısları ótkerilip atırǵanlıǵı haqqında keńnen túsinikler berildi. Sonıń menen birge, jaslar arasında jınayatshılıq hám huqıqbuzarlıqtıń aldın alıwǵa, boldırmawǵa birgelikte gúresiwge shaqırdı.

Jaslar arasında jınayatshılıq hám huqıqbuzarlıqtıń aldın alıw boyınsha jaslar tárepinen bir qatar pikir-usınıslar bildirildi. Qızıqtırǵan sorawlarına qánigeler tárepinen anıq juwaplar berildi.

Ilaj sońında jaslar arasında ushırasıp atırǵan jınayatshılıq hám huqıqbuzarlıqlardıń aqıbetleri hám jınayatshılıqtıń aldın alıw boyınsha ótkerilip atırǵan ilajlar haqqında qánigeler tárepinen tayarlanǵan videorolik qoyıp berildi. 

Ilajǵa Nókis qalalıq ishki isler uyımları jumısların muwapıqlastırıw bólim baslıǵı orınbasarı podpolkovnik A.Tilewmuratov, Nókis qalası IIOJMB 4-sanlı IIB podpolkovnik Q.Pirniyazov, instituttıń ruwxıy-aǵartıwshılıq hám jaslar máseleleri boyınsha prorektorı Q.Qadirov, fakultetlerdiń jaslar menen islesiw boyınsha dekan orınbasarları hám student-jaslar qatnastı.