Ózbekstan Respublikası Ministrler Kabinetiniń 2021-jıl 2-mart kúngi «Ózbekstan Respublikasında 2021-jılda xalıq aralıq hám respublikalıq kólemde ótkeriletuǵın ilimiy hám ilimiy-texnikalıq konferenciyalar jobası haqqında»ǵı 78-f-sanlı biyligi tiykarında Ájiniyaz atındaǵı Nókis mámleketlik pedagogikalıq institutında 2021-jıl 21-oktyabr kúni «Pedagogika hám psixologiya iliminiń rawajlanıwında innovaciyalıq texnologiyalardıń roli hám de áhmiyeti» atamasında respublikalıq ilimiy-teoriyalıq hám ámeliy konferenciya ótkerildi.

Konferenciya aldınan ilimiy miynetler kórgizbesi shólkemlestirildi.

Konferenciyanıń ashılıw plenar májilisinde pedagogika ilimleriniń doktorı, professor U.Aleuov «Qaraqalpaqstanda pedagogikalıq oy-pikirlerdiń rawajlanıw basqıshları», pedagogika ilimleriniń kandidatı, docent A.Pazılov «Pedagogika teoriyası hám tariyxı páninen «Bilimlendiriw mazmunı» temasına baylanıslı ámeliy sabaqtı ótkeriw tájiriybelerinen», psixologiya ilimleriniń kandidatı, docent Z.Sherimbetova «Shańaraqta perzent tárbiyasınıń psixologiyalıq ózgeshelikleri»,  tayanısh doktorant Z.Sarsenbaeva «The role of pedagogical technologies to improve students’ linguocultural competence», pedagogika hám psixologiya qánigeligi 2-kurs magistrantı M.Roziqova «Ijtimoiy tarmoqlar ta’sirida oʻsmirlarda yuzaga keladigan muammolar va ularning oldini olishning psixologik omillari» atamasında bayanat isledi.

Konferenciya sońında qatnasıwshılar shıǵıp sóylep, óz pikir-usınısların bildirdi.

Konferenciya sekciyalar boyınsha dawam etti.

22-oktyabr kúni konferenciyanıń jabılıw májilisi bolıp ótti.

Оnda pedagogika ilimleri boyınsha filosofiya doktorı A.Daukeeva «Psixologiyada qoʻrquv muammosining ilmiy tadqiq etilishi» hám de pedagogika hám psixologiya tálim baǵdarı 2-basqısh studenti A.Kakabaev «Jahon psixologiyasida shaxs nazariyalari» atamasında bayanat isledi.  

Konferenciya sońında pedagogika fakulteti dekanı Sh.Saparov, pedagogika kafedrası docenti, p.i.k. I.Allaniyazov, p.i.k., docent T.Saparbaev, pedagogika hám psixologiya tálim baǵdarı 3-basqısh studenti J.Qurbanbaevalar sózge shıǵıp, ózleriniń pikirlerin bildirdi.

Bunnan soń qatnasıwshılar tárepinen qarar qabıl etildi hám konferenciya óz jumısın juwmaqladı.