Studentlerge ijara shártnaması haqqında maǵlıwmatlar berildi

Búgin, 30-oktyabr kúni Ájiniyaz atındaǵı Nókis mámleketlik pedagogikalıq institutı kishi májilisler zalında instituttıń ruwxıylıq hám aǵartıwshılıq bólimi baslıǵı Baxtıyar Bekmuratov tárepinen ijarada jasaytuǵın studentlerdiń ijara tólemin tólep beriw, ijara shártnaması haqqında túsinikler berildi.

Atap ótilgenindey, 2020-2021-oqıw jılı juwmaǵında baslanǵan bul ámeliyat boyınsha 2021-jıldıń may hám iyun aylarında institut boyınsha 14 student ijara shártnamasın usınǵan bolsa, olarǵa bazalıq esaplaw muǵdarınıń yarım esesi muǵdarında ijara tólemleri tólep berildi.

Bıyılǵı 2021-2022-oqıw jılında da bul ámeliyat dawam etip, házirgi waqıtta 30 ǵa shamalas studentler ijara shártnamaların institutqa tapsırǵan.

Ilajda ijara shártnamasın dúziw, tiyisli hújjetlerdi tapsırıw boyınsha studentlerdiń sorawlarına tolıq juwaplar berildi.

NMPI baspasóz xızmeti.