ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Xosh xabar! NMPI studenti «ǴMDA mámleketleriniń eń jaqsı studenti» dep tabıldı

Ájiniyaz atındaǵı Nókis mámleketlik pedagogikalıq institutı shet tilleri fakulteti 2-kurs studenti Nurniyazov Nursultan Qazaqstan Respublikası Nur-Sultan qalasında bolıp ótken «ǴMDA mámleketleriniń eń jaqsı studenti-2021» tańlawında 1-orındı iyeledi.

Jeńimpazǵa birinshi dárejeli diplom hám «ǴMDA mámleketleriniń eń jaqsı studenti» kókirek belgisi tapsırıldı.

Shet tilleri fakulteti dekanı I.Dilmanov jeńimpaz student Nursultan Nurniyazovtı qutlıqlap, oǵan aldaǵı oqıw hám ilimiy-izertlew jumıslarında tabıslar tiledi.

Maǵlıwmat ushın, N.Nurniyazov ilimiy basshısı V.Balkibaeva basshılıǵında alıp barıp atırǵan ilimiy-izertlew jumısları boyınsha usı kúnge shekem 25 ten aslam ilimiy maqalalar hám tezisler jazıp, olardı sırt ellerdegi hám respublikalıq ilimiy jurnallar, konferenciya toplamlarında járiyalap kelmekte. Sonday-aq, «Aralımdı qumsayman», «Qálbi gózzallıqqa talpınǵan insan», «Institutım ózińseń ullı bir dárgay», «Kózmonshaq bolayın ózińe Watan» sıyaqlı qosıqlar toplamı kitapları avtorı.

Nursultan 2020-jılı Jaslar awqamı grantın jeńip, Ministrler Kabinetiniń 914-sanlı qararı menen test sınaqlarısız grant tiykarında oqıwǵa qabıllanǵan.